المديرة Admin
المساهمات : 338 تاريخ التسجيل : 14/11/2010 العمر : 27
| موضوع: عائلة كابور الأحد يونيو 24, 2012 5:30 am | |
|
عائلة كابور والحديث عن هذي العائله ذو شجووون هالعايله تضم في طياتهااكثر من عايله خلونا ننبدا براس الهرم زعيم السينما الهنديه راج كابور شقول شحكي عن راج كابور يلقب بـ ( شارلي شابلن الهند ) من اشهر شخصيات السنما الهنديه اللي ظهرت في وقتها واقربهم لقلوب المشاهدين من الموسسين الحقيقين لبوليود والمساهمين في تطورها كرس راج نفسه لتعلم الاخراج من ابوه واول مسرحيه شارك فيها كانت سنة 44 انتقل بعدها الى السينما وشارك في عدد من الاعمال سنة 47 اسس راج كابور شركه انتاجه ( ار كي ) واخرج اول فلم له ( النار ) وكان عمره 24 سنه فقط وكانت قصة الفلم جديده من نوعه ومبتكره الا ان الفلم ماحقق النجاح اللي كان راج يحلم فيه اخرج بعدها فلم المطر الذي كان من إنتاجه وإخراجه وبطولته، هذا الفيلم جعل منه نجما لامعا وعاصفة قادمة بقوة هزت نهاية الأربعينيات من القرن الفائت >>-- خوش كلام مثل بعدها في عدد من الافلام تعتبر من روائع بوليود وكون ثنائي ناجح مع الممثله نرجس ويقولون انو كانت تربطهم علاقه عاطفيه لكنها غير ناجحه مات سنه 88 وهو يخرج فلم هينا بسكته قلبيه وعمره 64 كمل اخراج الفلم ولده رندير ورغم المحاوله اليائسه من اخوانه شاشي وشامي بالابقاء على شركة الانتاج بس مافي فايده ما في احد يجي بظفر صبع راج الصغير عشان كذا شركة الانتاج تسكرت بالشمع الاحمر *** عائلة ريشي كابور الاب ريشي كابور ولد الممثل القدير راج كابور الملقب بزعيم السينما الهنديه من طلع على وجه الدنيا وهو عايش داخل كواليس الفن والفنانين اول فلم له ينقال له (بوبي ) من انتاج بيوو ويقولون انه جا لابوه وقاله يبا يبا ابي اصير بطل في الفلم بس ابوه قال له ياوليدي انت دب وماتصلح للدور قال ماعليه اضعف نفسي وفعلا ريشي سوى رجيم قاسي ومثل الدور وحطم قلوب العذارى ويعتبر الفلم من احلى الافلام الكلاسيكيه وصار ريشي يلقب ( امير الرومنسيه ) متزوج من الممثله الجذابه ( نيتو سنك ) وعنده منها ولد وبونيه نيتو سنك الزوجه تلقب بـ ( معشوقة الجماهير ) وحاولو المصاروه يسرقون اللقب ويلصقونه بناديه الجندي بس ماش مايلوق عليها تشتغل في السنما منذو نعومة اظفارها كونت ثنائي ناجح مع ريشي كابور في كذا فلم ومن خلال هالافلام خقت عليه وتزوجته واعتزلت الفن وهي في العشرينات من عمرها يقولون انه من المقرر يكون في مشروع للعوده بس نيتو تعوذت من ابليس وغيرت رايها . رنبير كابور الملقب بـ ( ابو منشفه ) ولد ريشي كابور وحفيد راج كابور ظهر اول مره في فلم سواريا سنة 2007 جنب بنت انيل كابور وكوش على كل ابو الجوائز والتقديرات من النقاد والبونيات عنده فلم بينزل في اغسطس اسمه Bachna Ae Haseeno مع دبيكا بوديكون اللي يعيش معاها قصة حب حاليا *** عائلة رندير كابور راندير كابور الابن الاكبر لراج كابور مثل سنة 71 وعنده مجموعه من الافلام الناجحه فلمه (جواني ديوني) حقق نجاح كبير بسبب الموسيقى والتمثيل الرائع في اخر مشواره الفني قام يخوره وترك التمثيل في بداية التسعينات ببيتا الزوجه دخلت المجال الفني بالواسطات عمرها الفني جصير عندها بس 19 فلم انشهرت بادوار البنت الغنيه الارستقراطيه اللي ما احد يوقف قدامها تزوجت رندير وجابنت منه كريشما وكارينا كريشما كابور الملقبه بـ ( لولوة الصغيره )مثلت من صغرها بحكم انها طالعه من عائله فنيه عريقه لكن الشهره الحقيقيه لها ما انطلقت الابعد فلم راجا هندوستاني مع عين السيح عامر خان واخذت عن دورها جائزه افضل ممثله عشان البلوه الكبيره اللي سوتها جنب الشجره تحت المطر واللي شاف الفلم بيفهم توالت من بعدها النجاحات كانت عندها قصة حب مع اجاي ديفيجان ومع ابشيك بتشان لكنها لم تنجح تزوجت من سنجاي كابور رجل اعمال من عايلتها وعندها بنت يقولون بتسوي فلم السنه الجايه مع شايني اهوجا . كارينا كابور الملقبه بـ بيبيو >>--قاعدين في عالم الاطفال احنا كانت بدايتها قويه بدور البنت الدلوعه والكشخه والقاضيه شهرتها الحقيقيه انطلقت بعد فلم كبي كوشي كبي غم رغم ان تمثيلها في الفلم كان يجيب المرض واحسن مافيها ملابسها في الاونه الاخيره لقت استحسان النقاد عن فلم اومكارا وحصدت الكثير من الجوائز والاعجاب عن دورها في فلم ( جب وي ميت ) وهذا يعتبر صحوه لكارينا بعد سلسله من الافلام اللي ماتنتطالع ببيزه كانت بينها وبين شاهيد علاقه لكنها باءت بالفشل عقبها قلب على سيف علي خان ومن المتوقع انها بتبؤ بالفشل >>>--- وقولو صابونه ماقالت. *** عائلة انيل كابور انيل كابور ممثل تميز بابتسامته الجريئه ونظرته البريئه يمكن تستغربون اذا عرفتووو ان انيل كابور كان اكثر المنافسين لاميتاب فترة الثمانينات كون ثنائي رائع مع ملكات بوليود سرديفي ومادوري وتوج تاريخه الفني بمجموعه من الافلام الرائعه لكنه في الاونه الاخيره غرته المظاهر ولعب الشيطان بعقله وصار يختار ادوارماتسوى ندعيه له بالهدايه والصلاح وانا اقول له راجع نفسك يالحبيب سونام كابور البنت الكبرى لانيل كابور كانت تشتغل مساعدة مخرج بس الوسطات لعبت دورها وخلتها تدخل مجال التمثيل شاركت رنبير البطوله في فلم سواريا اللي فشل في شباك التذاكر لكنه القى الضو على موهبه واعده >>--- متعوب على الكلمه مع انها ماقدرت نفس ابو منشفه بس عندها فلم هذي السنه مع ابشيك بتشان ينقال له Dilli 6 | |
|